చికెన్ వండలేదని భార్యను హత్య చేసిన భర్త..

మంచిర్యాల జిల్లాలో దారుణం
స్పాట్ వాయిస్, క్రైం: చికెన్ వండ‌లేద‌ని భార్యను భ‌ర్త హ‌త‌్య చేసిన ఘ‌ట‌న మంచిర్యాల జిల్లాలోని చెన్నూరు మండ‌లంలోని కిష్టంపేట గ్రామంలో చోటు చేసుకుంది. బుధవారం రాత్రి భ‌ర్త గాలిపెల్లి పోశం(50) చికెన్ తీసుకురాగా, భార్య వండ‌లేదు. దీంతో భార్యాభ‌ర్తల మ‌ధ్య తీవ్ర వాగ్వాదం జరిగింది. దీంతో భార్యపై కోపం పెంచుకున్న భర్త.. ఇంట్లో నిద్రిస్తున్న భార్య శంక‌ర‌మ్మపై గురువారం ఉద‌యం గొడ్డలితో దాడి చేశాడు. విచ‌క్షణార‌హితంగా న‌రికి చంపాడు. అనంత‌రం పోశం ప‌రారీ అయ్యాడు. స్థానికులు అందించిన స‌మాచారంతో పోలీసులు ఘ‌ట‌నా స్థలానికి చేరుకొని మృత‌దేహాన్ని స్వాధీనం చేసుకున్నారు. కేసు నమోదు చేసుకున్న పోలీసులు నిందితుడి కోసం గాలిస్తున్నారు.