నేడు బీఆర్​ఎస్​ కీలక సమావేశం..

నేడు బీఆర్​ఎస్​ కీలక సమావేశం..

భవిష్యత్తు కార్యాచరణపై చర్చ..

స్పాట్ వాయిస్, హైదరాబాద్ : నేడు బీఆర్​ఎస్ కీలక సమావేశం జరగనుంది. శుక్రవారం మధ్యాహ్నం పార్టీ అధ్యక్షుడు కేసీఆర్‌ అధ్యక్షతన బీఆర్​ఎస్​ పార్లమెంటరీ పార్టీ, శాసనసభ పక్షం, కార్యవర్గం సంయుక్త సమావేశం జరగనుంది. ఎన్నికల సంవత్సరంలో పార్టీ కార్యాచరణపై శ్రేణులకు కేసీఆర్ దిశానిర్దేశం చేయనున్నారు. కవితకు ఈడీ నోటీసుల నేపథ్యంలో బీఆర్​ఎస్​ భేటీకి ప్రాధాన్యం సంతరించుకుంది. పార్టీ అధినేత కేసీఆర్‌ అధ్యక్షతన.. మధ్యాహ్నం 2 గంటలకు తెలంగాణ భవన్‌లో సమావేశం జరగనుంది. ఎంపీలు, ఎమ్మెల్యేలు, ఎమ్మెల్సీ, కార్యవర్గ సభ్యులతోపాటు జిల్లా అధ్యక్షులు, జిల్లా పరిషత్ చైర్మన్లు, కార్పొరేషన్ల చైర్మన్లు, డీసీఎంఎస్, డీసీసీబీ చైర్మన్లను సమావేశానికి ఆహ్వానించారు. ఈ ఏడాదే ఎన్నికలు జరగనున్న నేపథ్యంలో పార్టీ కార్యాచరణపై కేసీఆర్ దిశానిర్దేశం చేయనున్నారు. రాజకీయకక్ష సాధింపు చర్యల్లో భాగంగా పార్టీ నాయకులపై జరుగుతున్న సీబీఐ, ఈడీ, ఐటీ దాడులను ఎలా ఎదుర్కోవాలనే అంశంపై కేసీఆర్‌ మాట్లాడనున్నట్లు తెలుస్తోంది. కవితకు ఈడీ నోటీసులను.. ఈ సమావేశంలో ఖండించే అవకాశం ఉన్నట్లు తెలుస్తుంది.