భట్రాజు సంఘం జిల్లా కమిటీ ఎన్నిక

భట్రాజు సంఘం జిల్లా కమిటీ ఎన్నిక

జిల్లా అధ్యక్షుడిగా ఎర్రం కిషన్ రాజు
స్పాట్ వాయిస్,మల్హర్:జయశంకర్ భూపాలపల్లి జిల్లా భట్రాజు సంఘం ఎన్నికలు ఆదివారం కొయ్యూరులో జరిగాయి. భట్రాజు సంఘం తెలంగాణ రాష్ట్ర అధ్యక్షులు దేవరాజు విష్ణువర్ధన్ రాజు, రాష్ట్ర ప్రధాన కార్యదర్శి ప్రతికంఠం పూర్ణచందర్ రాజు ఆదేశాల మేరకు, ఎన్నికల అధికారి చెన్న మాధవుని సీవీ జయరామ రాజు, ఎన్నికల పరిశీలకులు చెన్నమాధవుని సురేందర్ రాజు, ముఖ్య సలహాదారు పోనుగంటి దయాకర్ రాజు ఆధ్వర్యంలో భూపాలపల్లి జిల్లా భట్రాజు సంఘం ఎన్నికలు నిర్వహించడం జరిగింది. ఈ ఎన్నికల్లో గౌరవ అధ్యక్షులుగా ఈలపంటి రాఘవేంద్ర రాజు, జయశంకర్ భూపాలపల్లి జిల్లా భట్రాజు సంఘం అధ్యక్షులుగా ఎర్రం కిషన్ రాజు ఏకగ్రీవంగా ఎన్నికయ్యారు. ఉపాధ్యక్షులుగా ఎర్రం నర్సింహ రాజు, ప్రధాన కార్యదర్శిగా కేసిపెద్ది సంతోష్ రాజు, కోశాధికారిగా ఎర్రం అభినయ్ రాజు ఎన్నికయ్యారు.

కార్యవర్గ సభ్యులుగా..

కార్యవర్గ సభ్యులుగా ఎర్రం సాయి కుమార్ రాజు, ఈలపంటి మంజుల, కేశిపెద్ది సంధ్యారాణి, ఎర్రం వికాస్ రాజు, ఎర్రం రాజు వెంకటేశ్వర్ రాజు ఎన్నికయ్యారు. ఈ సందర్భంగా జయశంకర్ భూపాలపల్లి జిల్లా భట్రాజు సంఘం నూతన అధ్యక్షులు ఎర్రం కిషన్ రాజు మాట్లాడుతూ.. జిల్లా అధ్యక్షులుగా తనను ఎన్నుకున్న సభ్యులందరికీ, బట్రాజు సంఘం రాష్ట్ర నాయకులకు కృతజ్ఞతలు తెలిపారు. భట్రాజుల ఐక్యతకు తమ వంతుగా కృషి చేస్తానని ఎర్రం కిషన్ రాజు అన్నారు.