పొలంకాడికెళ్లి వచ్చే సరికి ఇల్లు గుల్ల

జయశంకర్ భూపాలపల్లి జిల్లాలో చోరీ
వివరాలు ఆరా తీస్తున్న పోలీసులు
స్పాట్ వాయిస్, గణపురం: జయశంకర్ భూపాలపల్లి జిల్లా గణపురం మండలంలోని గొల్లపల్లిలో భారీ చోరీ జరిగింది. గ్రామానికి చెందిన బండారి చేరాలు తన భార్య అరుణతో కలిసి బుధవారం ఉదయం వ్యవసాయ పనుల నిమిత్తం చేను వద్దకు వెళ్లారు. ఇది గమనించిన దుండగులు ఇంట్లో చోరీ చేశారు. వ్యవసాయ పనులు ముగించుకొని భార్య అరుణ ఇంటికి రాగా.. తలపులు పగులగొట్టి కనిపించాయి. లొపలికి వెళ్లి చూడగా.. 6తులాల బంగారం, రూ. లక్ష నగదు అపహరించుకెళ్లినట్లు గుర్తించారు. వెంటనే పోలీసులకు సమాచారం అందించగా.. హుటాహుటిన ఘటన స్థలానికి చేరుకున్నారు. క్లూస్ టీంతో ఆధారాలు సేకరించే పనిలో పోలీసులు ఉన్నారు.