రౌడీ షీటర్ పైశాచికం..

కత్తితో బెదిరించి.. నగ్నంగా డ్యాన్స్ చేయించి..
హైదరాబాద్ లో మరో ఘోర ఘటన
స్పాట్ వాయిస్, హైదరాబాద్: రౌడీషీటర్ తన పైశాచికాన్ని ప్రదర్శించాడు. ఓ వ్యక్తిని బెదిరించి నగ్నంగా డ్యాన్స్ చేయించాడు. హైదరాబాద్​లోని పాతబస్తీ చాంద్రాయణగుట్ట ప్రాంతంలో చోటు చేసుకున్న ఈ ఘటన వివరాలు ఇలా ఉన్నాయి. పాతబస్తీకి చెందిన రౌడీషీటర్ అలీ.. ఈ దుశ్చర్యకు పాల్పడ్డాడు. సాలం అనే వ్యక్తిని ఓ ఇంట్లోకి బలవంతంగా తీసుకువచ్చి కత్తితో బెదిరించి.. బట్టలు ఊడదీసి నగ్నంగా డ్యాన్స్​ చేయించాడు. నగ్నంగా ఉన్న వ్యక్తితో పాటు రౌడీషీటర్​ అలీ సైతం కత్తితో డ్యాన్స్​ చేసి.. పైశాచిక ఆనందం పొందాడు. ఆ వ్యక్తిని పట్టుకుని డ్యాన్స్​ చేస్తుంటే.. అక్కడే సోఫాలో ఉన్న వ్యక్తులు తిలకిస్తున్నారు. చేయనని చెప్పినా వినకుండా.. బలవంతంగా డ్యాన్స్ చేయించారు. తర్వాత బాధితుడు సాలం చాంద్రాయణగుట్ట పోలీసులకు ఫిర్యాదు చేయగా కేసు దర్యాప్తు చేస్తున్నారు. నిందితులపై బలవంతపు నిర్భందం, బెదిరింపులు, దౌర్జన్యం వంటి సెక్షన్ల కింద కేసు నమోదు చేశారు.