గ్రామీణ వైద్యులకు శిక్షణ తరగతులు ఏర్పాటు చేయాలి

గ్రామీణ వైద్యులకు శిక్షణ తరగతులు ఏర్పాటు చేయాలి

అర్హత కలిగిన వారికి 108 లో ఉద్యోగం కల్పించాలి

స్పాట్ వాయిస్, నల్లబెల్లి: గ్రామీణ వైద్యులకు శిక్షణ తరగతులు ఏర్పాటు చేయాలని ఆర్ఎంపీ సంఘం మండల అధ్యక్షుడు ఊటుకూరు చక్రపాణి కోరారు. మండల కేంద్రంలోని గ్రామీణ ఆదర్శ వైద్యుల సంఘం మండల అధ్యక్షుడు ఊటకూరి చక్రపాణి అధ్యక్షతన ప్రత్యేక సమావేశం నిర్వహించారు. ఈ సందర్భంగా అధ్యక్షుడు మాట్లాడుతూ.. ప్రభుత్వం అనుభవం , అర్హత కలిగిన వైద్యులకు 108లో ఉద్యోగ అవకాశాలు కల్పించాలని అన్నారు. అదేవిధంగా గ్రామీణ వైద్యులను గుర్తించి గతంలో మాదిరిగానే ప్రత్యేక శిక్షణ తరగతులను ఏర్పాటు చేసి వారికి గుర్తింపునివ్వడంతో పాటు ప్రభుత్వ పరంగా ప్రజాసేవలో అవకాశం కల్పించాలన్నారు. ఈ కార్యక్రమంలో మండల ప్రధాన కార్యదర్శి జంగిలి రాజు యాదవ్,కమిటీ సభ్యులు, వెంకటేశ్వరరావు, దేవేందర్, నర్సింగం, రఘుపతి, రమేష్,ప్రకాష్, శ్రీనివాస్, రాజేందర్, చాంద్ పాషా,నాగభూషన్, నన్నే సాహెబ్,దామోదర్ మండలంలోని అన్ని గ్రామాల ఆదర్శ వైద్యులు పాల్గొన్నారు.