వాట్సప్ స్టేటస్‌లో వాయిస్ రికార్డ్

అందుబాటులోకి కొత్త ఫీచర్
స్పాట్ వాయిస్, బ్యూరో: వాట్సప్‌ మళ్లీ రెండు కొత్త అప్‌డేట్స్‌ తీసుకొచ్చింది. ఇప్పటి వరకు కేవలం ఫొటోలు, వీడియోలను మాత్రమే స్టేటస్‌లో పెట్టే వీలుండగా.. ఇప్పుడు ‘వాయిస్ రికార్డ్ ఇన్ స్టేటస్’ ఫీచర్‌‌ అందుబాటులోకి తీసుకొచ్చింది. ఆల్బమ్‌ నుంచైనా లేదా వాట్సప్ స్టేటస్ నుంచైనా వాయిస్ రికార్డ్ చేసుకునే సదుపాయం కల్పించింది. వాట్సాప్ కెమెరా పక్కనుండే వాయిస్ రికార్డ్ సింబల్ నుంచి వాయిస్ రికార్డ్ చేసుకోవచ్చు. వాట్సప్‌లో ఇతరులకు పంపిన ఫొటోలు, వీడియోలు ఆటోమెటిక్‌గా క్వాలిటీ తగ్గి షేర్ అవుతాయి. ఇప్పుడు తీసుకొచ్చిన కొత్త ఫీచర్‌‌ ద్వారా యూజర్లు ఒరిజినల్ క్వాలిటీతో ఇతరులకు ఫొటోలు పంపే వీలుంటుంది. యూజర్లు ఫొటోను షేర్ చేసే ముందు క్వాలిటీని మార్చుకునేందుకు ఇమేజ్ ప్రివ్యూ సెక్షన్‌ జోడించనుంది.