వెల్లడించిన కేంద్ర మంత్రి కిషన్ రెడ్డి
శుక్రవారం 71వేల మందికి నియామక పత్రాలు అందజేత
స్పాట్ వాయిస్, హైదరాబాద్: ఆజాదీ కా అమృత్ మహోత్సవ్ లో భాగంగా ఆగస్టు 15 లోపు 10 లక్షల ప్రభుత్వ ఉద్యోగాలు భర్తీ చేయనున్నట్లు కేంద్రమంత్రి కిషన్ రెడ్డి స్పష్టం చేశారు. సికింద్రాబాద్ లో శుక్రవారం జరిగిన రోజ్ గారి మేళాలో భాగంగా దేశ వ్యాప్తంగా 71 వేల మందికి ప్రధాని మోడీ నియామక పత్రాలు అందజేశారు. వివిధ ప్రభుత్వ శాఖలు, సంస్థల్లో కొత్తగా చేరిన వారు తమ అపాయింట్‌మెంట్ లెటర్‌లను వీడియో కాన్ఫరెన్స్ ద్వారా అందుకున్నారు. అనంతరం కిషన్ రెడ్డి మాట్లాడుతూ.. రానున్న కాలంలో కేంద్ర ప్రభుత్వం మరిన్ని ఉద్యోగాలు భర్తీ చేయనుందని చెప్పారు. దేశంలో యువశక్తి చాలా ఉందన్నారు. ప్రభుత్వ ఉద్యోగం పొందిన వారు ఒక ఉద్యోగంలా కాకుండా సేవాభావంతో చేయాలని, దేశ అభివృద్ధికి కృషి చేయాలని పిలుపునిచ్చారు. ఈ కార్యక్రమంలో ప్రభుత్వ శాఖలు, సంస్థల్లో కొత్తగా చేరిన రిక్రూటర్లతో ప్రధాని మోడీ వీడియో కాన్ఫరెన్సింగ్ ద్వారా సంభాషించారు. ‘రోజ్‌గార్ మేళా’ మన సుపరిపాలనకు గుర్తింపుగా మారిందని మోడీ అన్నారు. తమ వాగ్దానాలను నిలబెట్టుకుంటున్నామనడానికి ఇదే నిదర్శనమని చెప్పారు.
Recent Comments