బస్సును ఢీకొన్న కారు..

ఊడిన బస్సు టైర్లు.. తప్పిన ఘోర ప్రమాదం
స్పాట్ వాయిస్, బ్యూరో: రాజన్న సిరిసిల్ల జిల్లాలో ఘోర ప్రమాదం చోటు చేసుకుంది. అతివేగంగా వచ్చిన కారు ఆర్టీసీ బస్సును ఢీకొంది. దీంతో బస్సు చక్రాలు ఊడిపోయాయి. పక్కనే పెద్ద బావి ఉండడంతో పెను ప్రమాదం తప్పింది. వేములవాడ రూరల్ మండలం పొశేట్టి పల్లి – నాగయ్య పల్లి గ్రామాల మధ్య బుధవారం ఉదయం ఆర్మూర్‌ డిపోకు చెందిన బస్సు వేములవాడ నుంచి ఆర్మూర్‌కు వెళ్తుంది. కరీంనగర్‌కు చెందిన ఓ కుటుంబం కారులో కథలాపూర్‌ నుంచి వేములవాడకు వెళ్తూ బస్సును ఢీ కొట్టింది. ఈ ప్రమాదంలో బస్సు చక్రాలు ఊడిపోయి భారీ శబ్ధంతో కొంతదూరం వరకు వెళ్లి నిలిచిపోయింది. బస్సు నిలిచిన సమీపంలోనే పెద్ద బావి ఉంది. బస్సులో ఉన్న 13 మంది ప్రయాణికులు స్వల్పగాయాలతో బయటపడ్డారు. కారు బెలూన్స్‌ తెరుచుకోవడంతో కారులో ఉన్న భార్య, భర్తతో పాటు 6 నెలల బాబు,18 నెలల పాపకు స్వల్పగాయాలయ్యాయి.