బ్యాడ్మింటన్ పోటీలను ప్రారంభించిన రేవూరి
రేవూరి ఆధ్వర్యంలో బీజేపీలో చేరిక
స్పాట్ వాయిస్ నర్సంపేట, దుగ్గొండి : దుగ్గొండి మండలం మందపల్లి గ్రామంలో ఫ్రెండ్స్ యూత్ ఆధ్వర్యంలో జరుగుతున్న బ్యాడ్మింటన్ టోర్నమెంట్ ని నర్సంపేట మాజీ ఎమ్మెల్యే రేవూరి ప్రకాశ్ రెడ్డి ప్రారంభించారు. ఈ సందర్బంగా క్రీడలకు అవసరమైన క్రీడా సామాగ్రిని క్రీడాకారులకు ఆయన అందజేశారు.అనంతరం మందపల్లి గ్రామానికి చెందిన ఫ్రెండ్స్ యూత్ అధ్యక్షుడు రంగు సంజయ్ కుమార్ అంబేద్కర్ యూత్ అధ్యక్షుడు కనుకల రాజు ప్రగతి యూత్ అధ్యక్షుడు మాతంగి అఖిల్ ఆధ్వర్యంలో సుమారు 60 మంది యువకులు 20 మంది వివిధ పార్టీల కార్యకర్తలు రేవూరి ప్రకాశ్ రెడ్డి సమక్షంలో భారతీయ జనతా పార్టీలో చేరగా రేవూరి ప్రకాశ్ రెడ్డి వారికి కండువాలు కప్పి పార్టీలోకి ఆహ్వానించారు. అనంతరం మండల పార్టీ అధ్యక్షుడు చుక్క రమేష్ గారి అధ్యక్షతన నిర్వహించిన సమావేశంలో రేవూరి మాట్లాడుతూ దేశ భవిష్యత్ పై యువత పాత్ర కీలకమని, నియోజకవర్గంలోని యువతను సన్మార్గంలో నడిపించి వారి భవిష్యత్ కోసం పాటుపడతానన్నారు. రాబోయే రోజులలో యువతకు ఉద్యోగాల కల్పన స్వయం ఉపాధి అవకాశాలు కల్పించి వారి భవిష్యత్తుకు కృషి చేస్తానని ఆయన హామీ ఇచ్చారు. ఈ కార్యక్రమంలో స్థానిక నాయకులు, యువకులు పాల్గొన్నారు.
Recent Comments