భూపాలపల్లి జిల్లాలో రోడ్డు ప్రమాదాలు..

భూపాలపల్లి జిల్లాలో రోడ్డు ప్రమాదాలు..
వేర్వేరు ఘటనల్లో ఇద్దరికి గాయాలు
ఒకరి పరిస్థితి విషమంగా ఉన్నట్లు సమాచారం
స్పాట్ వాయిస్, గణపురం: మండలంలోని చెల్పూర్ శివారు 353 జాతీయ రహదారి కొంపెల్లి క్రాస్ వద్ద బుధవారం రాత్రి గుర్తుతెలియని వాహనాలు ఢీకొని ఇద్దరికి తీవ్ర గాయాలయ్యాయి. ఇందులో ఒకరికి తీవ్ర గాయాలు కాగా. . మరొకరికి స్వల్ప గాయాలయ్యాయి. కేతిరి సాంబయ్య (30) ములుగు జిల్లా వెంకటాపురం మండలం లక్ష్మీదేవి పేట గ్రామానికి చెందిన వ్యక్తి, కేతిరి రవీందర్ భూపాలపల్లి మండలం గూడాడ్ పల్లికి చెందిన వ్యక్తి. ఈ వేర్వేరు ప్రమాదంలో సాంబయ్యకు కాలు చెయ్యి విరిగాయి. తలకు బలమైన గాయం కావడంతో 108 వాహనం ద్వారా భూపాలపల్లి జిల్లా ఆసుపత్రికి తరలించారు. ప్రథమ చికిత్స అనంతరం వరంగల్ ఎంజీఎం హాస్పిటల్ కు తరలించారు. ఆయన పరిస్థితి విషయమంగా ఉంది. రవీందర్ కు స్వల్ప గాయాలు కాగా.. భూపాలపల్లి ఏరియా ఆస్పత్రిలో చికిత్స పొందుతున్నాడు.