15 మందికి తీవ్ర గాయాలు
స్పాట్ వాయిస్, నల్లగొండ: జిల్లాలోని నకిరేకల్‌ శివారులో ఘోర ప్రమాదం జరింది. నర్సింగ్ విద్యార్థినులతో వెళ్తున్న కాలేజీ బస్సును వెనుక నుంచి లారీ ఢీకొంది. దీంతో అదుపుతప్పిన బస్సు బోల్తాపడింది. ఈ ప్రమాదంలో 15 మంది విద్యార్థినులు తీవ్రంగా గాయపడ్డారు. సమాచారం అందుకున్న పోలీసులు ఘటనా స్థలానికి చేరుకొని క్షతగాత్రులను నకిరేకల్‌ ప్రభుత్వ దవాఖానకు తరలించారు. అనంతరం మెరుగైన చికిత్స కోసం సూర్యపేటకు తీసుకెళ్లారు. ప్రమాదం జరిగినప్పుడు బస్సులో 30 మంది విద్యార్థులు ఉన్నారు. ఈ ఘటనపై పోలీసులు దర్యాప్తు చేస్తున్నామన్నారు. కాగా, విద్యార్థులంతా సూర్యాపేటలోని అపర్ణ నర్సింగ్ కాలేజీకి చెందిన వారీగా తెలుస్తోంది.
Recent Comments