ఢిల్లీ లిక్కర్ స్కాo రిమాండ్ రిపోర్ట్ లో కవిత పేరు

ఢిల్లీ లిక్కర్ స్కాo రిమాండ్ రిపోర్ట్ లో కవిత పేరు

స్పాట్ వాయిస్, బ్యూరో: ఢిల్లీ మద్యం కుంభకోణంలో సంచలన ఘటన చోటు చేసుకుంది. ఢిల్లీ మద్యం స్కాo రిమాండ్‌ రిపోర్టులో కల్వకుంట్ల కవిత పేరును ఈడీ అధికారులు బుధవారం చేర్చారు. అమిత్​ ఆరోరా రిమాండ్​ రిపోర్టులో కవిత పేరును చేర్చినట్లుగా ఈడీ పేర్కొంది. మంగళవారం రాత్రి అమిత్​ ఆరోరాను ఈడీ అధికారులు అరెస్టు చేశారు. అలాగే సౌత్​ గ్రూప్​ సంస్థ వంద కోట్ల రూపాయల ముడుపులను చెల్లించినట్లు తేల్చారు. సౌత్​గ్రూప్​ను శరత్​ రెడ్డి, కవిత, వైసీపీ ఎంపీ మాగుంట శ్రీనివాసులు రెడ్డి నియంత్రించేవారని ఈడీ వెల్లడించింది.ఈ గ్రూపు ద్వారా రూ. వంద కోట్లను విజయ్​నాయర్​కు చేర్చినట్లు ఈడీ తమ విచారణలో బట్టబయలు చేసింది. ఈడీ చేసిన దర్యాప్తులో అమిత్​ ఆరోరా వాగ్మూలంలో ఈ విషయాలను స్పష్టంగా ధృవీకరించినట్లు రిమాండ్​ రిపోర్ట్​లో పేర్కొన్నారు. 36 మంది రూ. 1.38 కోట్లు విలువ చేసే 170 మొబైల్​ ఫోన్లును ధ్వంసం చేసినట్లు ఈడీ అధికారులు తెలిపారు. వీటిలో తెలుగు రాష్ట్రాలకు చెందిన ఐదుగురి 33 ఫోన్లను మాయం చేశారన్నారు. ధ్వంసం చేసిన సెల్​ఫోన్లలో రెండు కవిత నంబర్లు, పది మొబైల్​ ఫోన్​లు వాడినట్లు ప్రకటించారు. ఆమె వాడిన ఈ ఫోన్లు కనిపించకుండా పూర్తిగా ధ్వంసం చేసినట్లు రిమాండ్​ రిపోర్టులో పేర్కొన్నారు.