వైఎస్ షర్మిల అరెస్ట్..!

నర్సంపేటలో ఉద్రిక్తత
భారీగా మోహరించిన పోలీసులు
స్పాట్ వాయిస్, చెన్నారావుపేట (నర్సంపేట): నర్సంపేట డివిజన్ లో ఉద్రిక్త పరిస్థితులు నెలకొన్నాయి. వైఎస్సార్ టీపీ అధినాయకురాలు వైఎస్ షర్మిల చేపట్టిన పాదయాత్ర తీవ్ర ఉద్రిక్త వాతావరణానికి తెరతీసింది. ఆదివారం నర్సంపేటలో సాగిన పాదయాత్రలో వైఎస్ షర్మిల ఎమ్మెల్యే పెద్ది సుదర్శన్ రెడ్డిపై తీవ్రస్థాయిలో విరుచుకుపడ్డారు. దీంతో సోమవారం టీఆర్ఎస్ నాయకులు చెన్నారావుపేటలో సాగుతున్న వైఎస్ షర్మిల పాదయాత్రలో నిరసన తెలిపారు. అంతేకాదు.. షర్మిల క్యారవాన్ ను తగలుబెట్టారు. ఈ ఉద్రిక్త పరిస్థితుల నేపథ్యంలో చెన్నారావుపేట మండలం లింగగిరి దగ్గర షర్మిలను పోలీసులు అరెస్ట్ చేశారు. షర్మిల అరెస్ట్ నేపథ్యంలో వైఎస్ఆర్టీపీ శ్రేణులు ప్రతిఘటించారు. ఇదిలా ఉంటే ఉదయం నుంచి షర్మిల పాదయాత్ర వద్ద పోలీసులు భారీగా మోహరించారు.