ఎఫ్ఆర్వోను హత్య చేసిన ఇద్దరు అరెస్ట్

స్పాట్ వాయిస్, కొత్తగూడెం: భద్రాద్రి కొత్తగూడెం జిల్లా ఫారెస్ట్‌ రేంజ్‌ అధికారి శ్రీనివాస రావు హత్యకేసులో ఇద్దరు గుత్తికోయలను పోలీసులు అరెస్టు చేశారు. హత్యకు ఉపయోగించిన కత్తులను సైతం స్వాధీనం చేసుకున్నారు. ఈ దాడిలో ఇద్దరే పాల్గొన్నారని ఎస్పీ తెలిపారు. గుత్తికోయలు అధిక సంఖ్యలో ఉన్నారన్నది అవాస్తవమని చెప్పారు. శ్రీనివాసరావును హత్యచేసిన వారిని ఉపేక్షించేది లేదని, నిందితులపై కఠిన చర్యలు తీసుకుంటామన్నారు. ఇలాంటి దాడులను సహించేది లేదని మంత్రులు పువ్వాడ అజయ్‌ కుమార్‌, ఇంద్రకరణ్‌ రెడ్డి స్పష్టం చేశారు. దాడిచేసి హత్య చేసిన వారిని వదిలిపెట్టమని చెప్పారు. ఈర్లపుడిలో జరిగిన శ్రీనివాసరావు అంత్యక్రియల్లో మంత్రులు పాల్గొన్నారు. అంతిమయాత్రలో పాడమోశారు. అంతకుముందు శ్రీనివాస రావు కుటుంబ సభ్యులకు మంత్రుల చేతులమీదుగా ఎంపీ వద్దిరాజు రవిచంద్ర రూ.2 లక్షల ఆర్థికసాయం అందజేశారు.