దైవదర్శనానికి వెళ్లి వచ్చేసరికి ఇల్లు గుల్ల

భూపాలపల్లిలో చోరీ
బంగారం నగలు, నగదు అపహరణ
రాజీవ్ నగర్ కాలనీలో ఘటన
దర్యాప్తు చేపట్టిన పోలీసులు

స్పాట్ వాయిస్ , భూపాలపల్లి టౌన్: జయశంకర్ భూపాలపల్లి జిల్లా కేంద్రంలో దొంగలు బీభత్సం సృష్టించారు. స్థానిక రాజీవ్ నగర్ కాలనీలోని ఓల్డ్ బస్టాప్ సమీపంలోని బడే పుష్పలత తన కుటుంబ సభ్యులతో కలిసి తేదీ 13వ తేదీన ఉదయం 5 గంటల సమయంలో దైవదర్శన నిమిత్తం శ్రీశైలంకు బయలుదేరి వెళ్లారు. తిరిగి బుధవారం వచ్చి చూసేసరికి ఇంటి తాళం పగలగొట్టి ఉంది. లోపలికి వెళ్లి చూసేసరికి ఇంట్లో ఉన్న బీరువాలోని 14 తులాల బంగారం రెండున్నర లక్షల రూపాయలు పోయినట్లు గుర్తించారు. భూపాలపల్లి పోలీస్ స్టేషన్ లో ఈ మేరకు ఆమె ఫిర్యాదు చేశారు. ఘటన స్థలానికి చేరుకున్న పోలీసులు వివరాలు సేకరించి కేసు దర్యాప్తు చేస్తున్నారు.