స్పాట్, వాయిస్ , డెస్క్: డిజిటల్ రూపాయి (హోల్సేల్) నేటి నుంచి రిజర్వ్ బ్యాంక్ ఆఫ్ ఇండియా అందుబాటులో కి తెస్తోంది. ‘సెంట్రల్‌ బ్యాంక్ డిజిటల్ కరెన్సీ (సీబీడీసీ)’గా వ్యవహరించే డిజిటల్ రూపాయి లావాదేవీలను ప్రారంభించనున్నట్లు పేర్కొంది. ప్రభుత్వ సెక్యూరిటీస్లోని సెకండరీ మార్కెట్ లావాదేవీలకు మొదటి డిజిటల్ రూపాయిని ప్రయోగాత్మకంగా వినియోగించనుట్లు పేర్కొంది. స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా, యూనియన్ బ్యాంక్ ఆఫ్ ఇండియా, హెచ్డీఎఫ్సీ బ్యాంక్, ఐసీఐసీఐ బ్యాంక్, కొటాక్ మహీంద్ర బ్యాంక్, ఎస్ బ్యాంక్, ఐడీఎఫ్సీ ఫస్ట్ బ్యాంక్, హెచ్ఎస్బీసీ బ్యాంకును పైలెట్ ప్రాజెక్ట్లో భాగస్వామ్యం చేయనుంది. నెల రోజుల వ్యవధిలోనే రిటైల్ రంగంలోనూ డిజిటల్ రూపాయిని ప్రారంభిస్తామని ప్రకటనలో పేర్కొంది. డిజిటల్ ఆర్థిక వ్యవస్థకు ఊతం ఇస్తూ.. చెల్లింపుల వ్యవస్థను మరింత సమర్థంగా నిర్వహించేందుకు, అక్రమ నగదు చలామణీని అరికట్టేందుకు ‘డిజిటల్ రూపాయి’ దోహదపడుతుంది.
రెండు రకాలు..
సీబీడీసీలో ఒకటి సాధారణ లేదా రిటైల్ (సీబీడీసీ-ఆర్‌) అవసరాలకు వినియోగించేది అయితే, మరొకటి టోకు (సీబీడీసీ-డబ్ల్యూ) అవసరాలకు వినియోగించేలా వర్గీకరిస్తారు.
*రిటైల్ సీబీడీసీని అందరూ ఉపయోగించుకోవచ్చు.
*టోకు సీబీడీసీని ఎంపిక చేసిన ఆర్థిక సంస్థలు మాత్రమే వినియోగిస్తాయి.
ఎందుకంటే..
* కరెన్సీ నోట్లు, నాణేల నిర్వహణ వ్యయాలను తగ్గించడానికి..
*నగదు చెలామణీ తక్కువగా ఉండే ఆర్థిక వ్యవస్థ కోసం..
*చెల్లింపుల్లో పోటీ, సామర్థ్యం, వినూత్నత పెంచడానికి
ఉపయోగాలు
సీబీడీసీ అనేది కేంద్ర బ్యాంకు జారీ చేసే కరెన్సీ. ఆర్‌బీఐ బ్యాలెన్స్‌ షీట్లలో ఇది కనిపిస్తుంది. అందరు పౌరులు, కంపెనీలు, ప్రభుత్వ ఏజెన్సీలు చట్టబద్ధ చెల్లింపులకు ఉపయోగించుకోవచ్చు. వాణిజ్య బ్యాంకుల నగదుతో దీనిని మార్చుకోవచ్చు. బ్యాంకు అకౌంట్ అవసరం ఉండదు. నగదు జారీ, లావాదేవీల వ్యయాలు తగ్గే అవకాశం ఉంది.
క్రిప్టోకు.. డీజిటల్ రూపికి తేడా..
కొద్ది రోజులుగా ప్రైవేటు క్రిప్టో కరెన్సీలకు ఆదరణ పెరిగింది. అయితే వాటి ద్వారా అక్రమ నగదు చెలామణీ(మనీ లాండరింగ్‌), ఉగ్రవాదానికి నిధులు ఇవ్వడం వంటివి చేసే అవకాశం ఉంది. క్రిప్టో వల్ల ఒక సమాంతర ఆర్థిక వ్యవస్థ ఏర్పడే ప్రమాదం ఉంది. దేశీయ కరెన్సీ స్థిరత్వాన్ని ఇది దెబ్బతీస్తుంది. అందుకే సీబీడీసీని అభివృద్ధి చేసి, ప్రజలకు నష్టభయం లేని వర్చువల్‌ కరెన్సీ అందనుంది.
Recent Comments