జెన్ కో ముట్టడి..

జెన్ కో ముట్టడి..
గ్రామాన్ని తరలించాలని దుబ్బపల్లి గ్రామస్తుల ఆందోళన
అరెస్ట్ చేసిన పోలీసులు

స్పాట్ వాయిస్ , గణపురం: మండలంలోని చెల్పూర్ వద్ద ఉన్న కేటీటీపీ వద్ద ఉద్రిక్తత పరిస్థితి నెలకొంది. తమ గ్రామాన్ని తరలించాలని డిమాండ్ చేస్తూ.. జెన్కో రెండో గేటు ఎదురుగా ధర్నాకు దిగారు. మంగళవారం సాయంత్రం కేటీపీపీ పర్యటనకు వచ్చిన జెన్కో సీఎండీ ప్రభాకర్ రావును దుబ్బపల్లి భూ నిర్వాసితులు అడ్డుకున్నారు. కాగా బుధవారం ఉదయం గ్రామస్తులతో చర్చిస్తానని హామీ ఇచ్చిన సీఎండీ ప్రభాకర్ రావు రాత్రికి రాత్రే హైదరాబాద్ కు వెళ్లిపోవడంతో కోపోద్రిక్తులైన దుబ్బపల్లి నిర్వాసితులు గేటు ముందు ధర్నాకు దిగారు. దీంతో కేటీపీపీ వద్ద పరిస్థితి ఉద్రిక్తంగా మారింది. పరిస్థితిని అదుపులోకి తెచ్చేందుకు చిట్యాల సీఐ పులి వెంకట్ ఆధ్వర్యంలో గణపురం ఎస్సై అభినవ్ దుబ్బపల్లి గ్రామస్తులను పోలీస్ స్టేషన్ కు తరలించారు. పోలీసుల తీరుపై గ్రామస్తులు అసహనం వ్యక్తం చేశారు. తమవారిని వెంటనే విడుదల చేయాలని డిమాండ్. చేశారు..