సేవా కార్యక్రమాలు చేపట్టాలి

వాసవి క్లబ్ ఇంటర్నేషనల్ వైస్ ప్రెసిడెంట్ వీరయ్య
స్పాట్ వాయిస్, మల్హర్: వాసవి క్లబ్ ఆధ్వర్యంలో సేవలను మరింత విస్తృతం చేయాలని వాసవి క్లబ్ ఇంటర్నేషనల్ వైస్ ప్రెసిడెంట్ మల్యాల వీరయ్య సూచించారు. ఆదివారం మండలంలోని కొయ్యూర్ నాగుమ్మల వద్ద నిర్వహించిన రికాన్, వైష్ణవి సేవా పురస్కారాలు కార్యక్రమానికి ముఖ్య అతిథిగా హాజరై మాట్లాడారు. ఈ సందర్భంగా వాసవి క్లబ్ రీజియన్ చైర్ పర్సన్ దారం రమానగేష్ కుమార్ ఆధ్వర్యంలోని ఏడు వాసవి క్లబ్లు ఉత్తమ సేవలు అందించినందుకు వారిని అభినందించి బహుమతులను ప్రదానం చేశారు. ఈ సందర్భంగా నిర్వహించిన సాంస్కృతిక కార్యక్రమాలు అలరించాయి. ఈ కార్యక్రమంలో వాసవి క్లబ్ ఇంటర్నేషనల్ ప్రోగ్రాం కో-ఆర్డినేటర్ కొండ చంద్రశేఖర్, కాటారం ఎంపీడీవో పెద్ది ఆంజనేయులు, కొయ్యూరు ఉప సర్పంచ్ మమత, వివిధ మండలాలకు చెందిన వాసవి క్లబ్ సభ్యులు అనంతుల రమేష్ బాబు, పవిత్రం శ్రీనివాస్, కలికోట శ్రీనివాస్, ఎమ్ఎల్ఎన్ మూర్తి, నవీన్ కుమార్, కుక్కడపు వెంకటేశ్వర్లు, అశోక్, రాజేందర్, శ్రీనివాస్, సదాశివ్, రమేష్, నాగరాజు, రేపాల హరీష్ శ్రీనివాస్, సతీష్ తదితరులు పాల్గొన్నారు.