కేసీఆర్ ప్రధాని, కేటీఆర్ సీఎం కావాలని… కోడి.. కోటర్ పంపిణీ

కేసీఆర్ ప్రధాని, కేటీఆర్ సీఎం కావాలి
కోడి.. కోటర్ పంపిణీ
వరంగల్ లో పంచిపెట్టిన టీఆర్ఎస్ నాయకుడు రాజనాల శ్రీహరి
కల్వకుంట్ల కుటుంబానికి విజయం దక్కాలని ప్రత్యేక పూజలు
స్పాట్ వాయిస్, వరంగల్ : సీఎం కేసీఆర్ ప్రధాని కావాలని, మంత్రి కేటీఆర్ సీఎం కావాలంటూ.. వరంగల్ లో కోడి, కోటర్ బాటిల్ పంపిణీ చేశారు. కొత్తగా.. ఆశ్చర్యంగా ఉన్నా.. నిజమే. దసరా పర్వదినాన్ని పురస్కరించుకొని ముఖ్యమంత్రి కల్వకుంట్ల చంద్రశేఖరరావు దేశ వ్యాప్తంగా జాతీయ పార్టీ పెట్టబోతున్న సందర్భంగా జాతీయ పార్టీకి వారే అధ్యక్షుడిగా ఎంపిక కావాలని టీఆర్ఎస్ నాయకుడు రాజనాల శ్రీహరి పూజలు చేశారు. అనంతరం రెండు వందల మంది హమాలీలకు కోడ్లు, క్వార్టర్ బాటిళ్లు పంపిణీ చేశారు. ఈ సందర్భంగా ఆయన మాట్లాడుతూ.. వచ్చే పార్లమెంట్ ఎన్నికల్లో కేసీఆర్ పెట్టేబోయే జాతీయ పార్టీ సభ్యులు విజయం సాధించి, కేసీఆర్ ప్రధానమంత్రి కావాలన్నారు. అలాగే రాష్ట్ర పార్టీ అధ్యక్షుడిగా కేటీఆర్ ఎంపికై రాబోయే ఎన్నికల్లో సీఎం కావాలని ఆకాక్షించారు. కల్వకుంట్ల కుటుంబానికి ఈ విజయం దక్కాలని ప్రత్యేక పూజలు నిర్వహించినట్లు చెప్పారు.