కలెక్టర్ సతీమణి.. ప్రభుత్వ ఆస్పత్రిలో డెలివరీ..

కలెక్టర్ సతీమణి.. ప్రభుత్వ ఆస్పత్రిలో డెలివరీ..
పండంటి బాబుకు జన్మినిచ్చిన అడిషనల్ కలెక్టర్

స్పాట్ వాయిస్, భూపాలపల్లి టౌన్: కలెక్టర్ సతీమణి.. ప్రభుత్వ ఆస్పత్రిలో పురుడు పోసుకుంది. వివరాల్లోకి వెళ్తే.. భూపాలపల్లి కలెక్టర్ భవేశ్ మిశ్రా.. ఆయన సతీమణి ములుగు జిల్లా అడిషనల్ కలెక్టర్ ఇలా త్రిపాఠి సోమవారం రాత్రి ప్రభుత్వ ఆస్పత్రిలో పండంటి మగ బిడ్డకు జన్మనిచ్చింది. భూపాలపల్లి జిల్లా కేంద్రంలోని 100 పడకల హాస్పిటల్ లో డెలవరీ కాగా.. బాబు పూర్తి ఆరోగ్యంగా 3.4 కిలోలు ఉన్నాడు.

సిజేరియన్..

ఆసుపత్రి సూపరిండెంట్ డాక్టర్ సంజీవయ్య ఆధ్వర్యంలో సాధారణ డెలివరీ కోసం ప్రయత్నించినప్పటికీ శిశువు బరువు ఎక్కువగా ఉండటంతో సాధారణ డెలివరీ చేయడం సాధ్యం కాలేకపోయిందని సూపరిండెంట్ తెలిపారు. హాస్పటల్లో గైనకాలజిస్ట్ డాక్టర్లు శ్రీదేవి,లావణ్య, సంధ్యారాణి, విద్య ఆపరేషన్ చేసి డెలివరీ చేశారు.