వరంగల్ లో విషాదం..

ఉర్సుగుట్ట చెరువులో ఇద్దరి గల్లంతు
ఒకరి మృతదేహాన్ని వెలికి తీసిన పోలీసులు
మరొకరి మృతదేహం కోసం గాలింపు
సద్దుల బతుకమ్మ రోజు విషాదం
స్పాట్ వాయిస్, వరంగల్ : వరంగల్ లో విషాదం నెలకొంది. సద్దుల బతుకమ్మ రోజున కన్నీళ్లు ఏరులై పారాయి. వరంగల్ ఉర్సు గుట్ట వద్ద గల చెరువులో ఈతకు దిగిన ఇద్దరు బాలురు నీట మునిగి మృతి చెందారు. సమీపంలో ఉన్న వెంట స్థానికులు చెరువు వద్దకు వచ్చేసరికి అప్పటికే నీటమునిగిన బాలురు ఇద్దరు ప్రాణాలు కోల్పోయారు. సమాచారం అందగానే మిల్స్ కాలనీ పోలీసులు ఉర్సుగుట్ట వద్దకు చేరుకున్నారు. మృతి చెందిన వారిలో ఒకరి మృతదేహాన్ని చెరువులో నుంచి వెలికి తీశారు. మరొకరి మృతదేహం కోసం గాలింపు చర్యలు నిర్వహిస్తున్నారు. కాగా  గోవిందురాజుల గుట్ట ప్రాంతానికి చెందిన రామ్ చరణ్ , రిశ్విక్ గా గుర్తించారు. రామ్ చరణ్ మృతదేహం లభ్యం కాగా, రిశ్విక్ మృతదేహం కోసం పోలీసులు గాలిస్తున్నారు.