మహాత్ముడి ఆశయాలను కొనసాగిద్దాం

మహాత్ముడి ఆశయాలను కొనసాగిద్దాం
టీఆర్ఎస్ టౌన్ ప్రెసిడెంట్ కొలెపాక భిక్షపతి
స్పాట్ వాయిస్, రేగొండ : మహాత్ముడి ఆశయాలను కొనసాగిద్దామని టీఆర్ఎస్ టౌన్ ప్రెసిడెంట్ కొలెపాక భిక్షపతి అన్నారు. ఆదివారం రేగొండ మండల కేంద్రంలో గాంధీ జయంతి వేడుకలను ఘనంగా నిర్వహించారు. ఈ సందర్భంగా ఆయన గాంధీ విగ్రహానికి పూలమాల వేసి నివాళులర్పించారు. మండల పరిషత్ కార్యాలయంలో ఎంపీపీ పున్నం లక్ష్మీ రవి గాంధీ చిత్రపటానికి పూలమాలవేశారు. ఈ సందర్భంగా ఏర్పాటు చేసిన సమావేశాల్లో టౌన్ ప్రెసిడెంట్ కొలపాక భిక్షపతి, ఎంపీపీ పున్నం లక్ష్మీ రవి వేర్వేరుగా మాట్లాడుతూ హింసా మార్గాన్ని విడనాడి అహింస మార్గంలో నడిచిన మహాత్మా గాంధీని ఆదర్శంగా తీసుకోవాలన్నారు. ప్రతి ఒక్కరూ ఆయన అడుగుజాడల్లో ముందుకు సాగాలని కోరారు. కార్యక్రమంలో టీఆర్ఎస్ మండల అధ్యక్షుడు అంకం రాజేందర్, ఎంపీటీసీ కేషిరెడ్డి ప్రతాప్ రెడ్డి, మాజీ ఎంపీటీసీ పటెం శంకర్, టీఆర్ఎస్ యూత్ నాయకులు తడక శ్రీకాంత్ గౌడ్, సృజన, రమేష్, రామకృష్ణ, రాజు తది తరులు పాల్గొన్నారు.