పత్తి చేల్లో వృద్ధుడి ఆత్మహత్య

పత్తి చేల్లో వృద్ధుడి ఆత్మహత్య
ములుగు జిల్లాలో ఘటన..

స్పాట్ వాయిస్, ములుగు: ములుగు జిల్లా వెంకటాపురం మండలంలోని నారాయణగిరి పల్లె గ్రామపంచాయతీ పరిధిలో ఓ పత్తి చేనులో జయశంకర్ భూపాలపల్లి జిల్లా కాటారం మండలం ధర్మసాగర్ కొత్తపల్లి గ్రామానికి చెందిన సంగెం లచ్చయ్య పురుగుల మందు తాగి ఆత్మహత్య చేసుకున్నాడు . పాలంపేట- ములుగుకు వెళ్లే ప్రధాన రహదారి పక్కన ఉన్న సిమెంట్ బ్రిక్స్ సమీపంలో సదరు వ్యక్తి అచేతనంగా పడి ఉండడం చూసిన స్థానికులు పోలీసులకు సమాచారం ఇచ్చారు. ఘటనాస్థలానికి చేరుకున్న పోలీసులు ఆ వ్యక్తి మరణించినట్టుగా గుర్తించారు. మృతదేహం పక్కనే క్రిమిసంహారక మందు డబ్బా ఉండడంతో అది తాగి మరణించి ఉంటారని ప్రాథమిక అంచనాకు వచ్చారు. కుటుంబ సభ్యులు వెంకటాపురం పోలీసులను సంప్రదించాలని సూచించారు. వృద్ధుడు ఇంతదూరం వచ్చి ఆత్మహత్య చేసుకోవడానికి కారణాలు తెలియరాలేదు.