సింగరేణి జూనియర్ అసిస్టెంట్ పరీక్షలో గోల్ మాల్..!

సింగరేణి జూనియర్ అసిస్టెంట్ పరీక్షలో గోల్ మాల్..!
అభ్యర్థుల నుంచి డబ్బుల వసూల్..
గోవాలో ప్రత్యేకంగా ఎగ్జామ్..
ఓ స్టడీ సెంటర్ నిర్వాహకుడి నిర్వాకం..
స్పాట్ వాయిస్, డెస్క్:  సింగరేణి జూనియర్ అసిస్టెంట్ పరీక్షల్లో గోల్‌మాల్ జరిగిందన్న వార్త అభ్యర్థుల్లో కలవరం సృష్టింస్తోంది. పేపర్‌ను లీక్‌ చేసి పరీక్ష రాయించినట్లు పోలీసుల విచారణలో తేలింది. తెలంగాణవ్యాప్తంగా ఆదివారం ఉదయం జూనియర్ అసిస్టెంట్ పోస్టులకు పరీక్ష నిర్వహించారు. ఓ స్టడీ సెంటర్ నిర్వాహకుడు అభ్యర్థుల నుంచి రూ.25 లక్షలు వసూలు చేసి ప్రత్యేకంగా గోవాలో పరీక్ష రాయించినట్లు తెలుస్తోంది. వారితో గోవాలో పరీక్ష నిర్వహించినట్లు పోలీసుల విచారణలో తేలినట్లు ప్రచారం జరుగుతోంది. మరో మూడు పరీక్షా కేంద్రాల్లో అభ్యర్థులు పరీక్షలు రాసినట్లు తెలుస్తోంది. ఈస్కామ్‌లో ముగ్గురు సింగరేణి అధికారుల హస్తం ఉన్నట్లు పోలీసులు గుర్తించినట్లు తెలుస్తోంది. మేరకు పోలీసులు.. గోవాకు వెళ్లిన అభ్యర్థుల వివరాలను సేకరిస్తున్నట్టు తెలిపారు. సదరు స్టడీ సెంటర్ నిర్వాహకులు పరారీలో ఉన్నట్లు తెలుస్తోంది. ఇదిలా ఉంటే గతంలోనూ తెలంగాణ విద్యుత్ శాఖ జూనియర్ లైన్ మెన్ ప్రశ్నాపత్రం లీక్ అయిన విషయం తెలిసిందే.