అన్నదానాన్ని ప్రారంభించిన యెలుగం లీలావతి సత్యనారాయణ
స్పాట్ వాయిస్, వరంగల్ : గణపతి నవరాత్రోత్సవాల సందర్భంగా గ్రేటర్ వరంగల్ 23వ డివిజన్ పరిధిలో ఫ్రెండ్స్ యూత్ అసోసియేషన్, హనుమాన్ యూత్, మార్కండేయ గణపతి యూత్ ఆధ్వర్యంలో ఏర్పాటు చేసిన మండపాల్లో ఏర్పాటు చేసిన వినాయక విగ్రహాలను టీఆర్ఎస్ రాష్ట్ర నాయకుడు, 23 డివిజన్ మాజీ కార్పొరేటర్ యెలుగం లీలావతి సత్యనారాయణ దర్శించుకుని ప్రత్యేక పూజలు చేశారు. ఈ సందర్భంగా మండపాల వద్ద నిర్వాహకులు ఏర్పాటు చేసిన అన్నదాన కార్యక్రమాలను ముఖ్య అతిథులుగా యెలుగం లీలావతి సత్యనారాయణ హాజరై ప్రారంభించారు.
అన్ని దానాల్లో కంటే అన్నదానం గొప్పదన్నారు. డివిజన్ ప్రజలు అన్ని రంగాల్లో అభివృద్ధి చెందాలని, ఆయురారోగ్యాలతో ఉండాలని ఆదిదేవుళ్లను మొక్కుకున్నట్లు తెలిపారు. కార్యక్రమాల్లో టీఆర్ ఎస్ నాయకులు కొత్తపెల్లి వినయ్, తుమ్మ కన్నాయ, ఆడుప రాజేష్, కోల అనసూయ, యూత్ సభ్యులు, వినాయక మండపాల నిర్వాహకులు పాల్గొన్నారు.
Recent Comments