స్వర్ణకార సంఘం మండల అధ్యక్షుడిగా చక్రధరాచారి

స్వర్ణకార సంఘం మండల
అధ్యక్షుడిగా చక్రధరాచారి

స్పాట్ వాయిస్,గణపురం: స్వర్ణకార సంఘం మండల అధ్యక్షుడిగా తంగళ్ళపల్లి చక్రధరాచారి నియమితులయ్యారు. రాష్ట్ర కార్యదర్శి కట్కోజుల రాజు ఆధ్వర్యంలో ఆదివారం మండల కేంద్రంలో స్వర్ణకార సంఘం మండల కార్యవర్గ కమిటీని ఏకగ్రీవంగా ఎన్నుకున్నారు. ఈ మేరకు మండల అధ్యక్షుడిగా తంగళ్ళపల్లి చక్రధరాచారి, ప్రధాన కార్యదర్శిగా శ్రీరామోజు రాంబ్రహ్మచారి, ఉపాధ్యక్షులుగా ముప్పిడోజు రమేశ్, కోశాధికారిగా కొత్తగట్టు ప్రణీత్, సహాయ కార్యదర్శిగా ముప్పిడోజు రాజులను ఏకగ్రీవంగా ఎన్నుకున్నట్లు ఆ సంఘం రాష్ట్ర కార్యదర్శి తెలిపారు ఈ సందర్భంగా నూతనంగా అధ్యక్షుడిగా ఎన్నికైన చక్రధరాచారి మాట్లాడుతూ.. తనకు అప్పగించిన బాధ్యతను సమర్థవంతంగా నిర్వహించి స్వర్ణకారుల సంఘం బలోపేతానికి, సమస్యల పరిష్కారానికి కృషి చేస్తానని తెలిపారు. కార్యక్రమంలో స్వర్ణకార సంఘం సభ్యులు, తదితరులు పాల్గొన్నారు.