స్వాతంత్ర్య వజ్రోత్సవ వేడుకల వేళ తీవ్ర విషాదం..
ఏడుగురు జవాన్ల మృతి..
స్పాట్ వాయిస్ , డెస్క్: స్వాతంత్ర్య వజ్రోత్సవ వేడుకల వేళ దేశంలో తీవ్ర విషాదం నెలకొంది. జమ్ముకశ్మీర్లో ఘోర ప్రమాదం జరిగింది. పహల్గామ్లోని ఫ్రిస్లాన్ చందన్వారి రోడ్డు ప్రాంతంలో భద్రతా బలగాల వాహనం ప్రమాదానికి గురై నదిలో పడిపోయింది. బస్సు బ్రేకులు ఫెయిల్ కావడంతో ఈ ప్రమాదం జరిగినట్లు తెలుస్తోంది. ఈ ఘటనలో ఏడుగురు ఐటీబీపీ జవాన్లు చనిపోయారు. చాలా మంది సైనికులు తీవ్ర గాయాలపాలయ్యారు. వారిని అధికారులు ఆసుపత్రికి తరలించారు. మంగళవారం ఉదయం 39 మంది ఐటీబీపీ జవాన్లతో ప్రయాణిస్తున్న బస్సు.. బ్రేక్లు ఫైయిల్ అవ్వడంతో పక్కన ఉన్న నదిలో పడిపోయింది. బస్సులోని జవాన్లంతా అమర్నాథ్ యాత్రకు సంబంధించిన విధులు నిర్వర్తించి తిరిగి వస్తున్నట్లు ఐటీబీపీ అధికారులు తెలిపారు.
Recent Comments