కోటంచ ఆలయ అభివృద్ధికి కృషి

భూపాలపల్లికి మెడికల్ కళాశాల రావడం అభినందనీయం
ఎమ్మెల్యే గండ్ర వెంకటరమణారెడ్డి
నూతన ఆలయ చైర్మన్ గా అనిత ప్రమాణ స్వీకారం
స్పాట్ వాయిస్, రేగొండ : కొడవటంచ ఆలయ అభివృద్ధికి కృషి చేస్తానని భూపాలపల్లి ఎమ్మెల్యే గండ్ర వెంకటరమణారెడ్డి అన్నారు. ఆదివారం మండలంలోని శ్రీ లక్ష్మీనరసింహస్వామి ఆలయ నూతన చైర్మన్ మాదాడి అనిత కరుణాకర్ రెడ్డి ప్రమాణ స్వీకార కార్యక్రమానికి ఎమ్మెల్యే ముఖ్యఅతిథిగా హాజరయ్యారు. మొదట గండ్ర ఆలయంలో ప్రత్యేక పూజలు నిర్వహించి మొక్కులు చెల్లించుకున్నారు. అనంతరం నూతనంగా నియమితులైన ఆలయ చైర్మన్ మాదాడి అనిత కరుణాకర్ రెడ్డిని శాలువాతో సన్మానించారు. ఈ సందర్భంగా ఏర్పాటు చేసిన సమావేశంలో ఎమ్మెల్యే వెంకటరమణారెడ్డి మాట్లాడుతూ కోటంచ లక్ష్మీనరసింహస్వామి ఈ ప్రాంత ఇలవేల్పు అని, ఆలయ అభివృద్ధికి తన వంతుగా కృషి చేస్తున్నానని, రానున్న రోజుల్లో మరింత అభివృద్ధి చేస్తామని హామీ ఇచ్చారు. ఆలయ చైర్మన్ కావడం అంటే మామూలు విషయం కాదని, భక్తిశ్రద్ధలతో ఆలయ అభివృద్ధికి కృషి చేయాలని అన్నారు.

పంద్రాగస్టు నుంచి కొత్త పింఛన్లు..
ఆగస్టు 15 నుంచి కొత్త పెన్షన్లు వస్తాయని, అన్ని గ్రామాల్లో తిరుగుతూ కొత్త పెన్షన్లు అర్హులైన అందరికీ వచ్చేందుకు కృషి చేస్తానని హామీ ఇచ్చారు. మారుమూల ప్రాంతమైన భూపాలపల్లికి రూ. 148 కోట్లతో మెడికల్ కాలేజీ ఇవ్వడం మన అదృష్టమని, నిధులు మంజూరు చేసిన సీఎం కేసీఆర్ కు కృతజ్ఞతలు చెబుతున్నట్ల తెలిపారు. అంతేకాకుండా గతంలో మెడికల్ కాలేజీ నిర్మాణానికి, హాస్పటల్ నిర్మాణానికి రూ.100 కోట్ల నిధులు మంజూరయ్యాయన్నారు. భూపాలపల్లి నియోజకవర్గాన్ని అన్ని రంగాల్లో అభివృద్ధి చేసేందుకు కృషి చేస్తున్నానని తెలిపారు. మన ప్రాంతంలో ఇప్పటికే సమృద్ధిగా వర్షాలు పడ్డాయని, పంటలు కూడా బాగా పండుతాయని, ఆ పంటలను గిట్టుబాటు ధరకు అమ్మేందుకు ప్రభుత్వం అన్ని విధాలుగా కృషి చేస్తుందన్నారు. కార్యక్రమంలో సర్పంచ్ పబ్బ శ్రీనివాస్ గౌడ్, ఎంపీటీసీ రవీందర్ రావు, రైతుబంధు సమితి జిల్లా కో ఆర్డినేటర్ హింగే మహేందర్, జెడ్పీటీసీ సాయిని విజయ, విద్యాసంస్థల చైర్మన్ నాయినేని సంపత్ రావు, టీఆర్ఎస్ మండల అధ్యక్షుడు అంకం రాజేందర్, టీఆర్ఎస్ నాయకులు పున్నం రవి, సామల పాపిరెడ్డి, కొలేపాక భిక్షపతి, కట్ల చిన్ని, మటిక సంతోష్, జనార్ధన్, అమ్ముల రాజయ్య, పట్టేం శంకర్, దాసరి నారాయణ రెడ్డి, కొడేపాక మొగిలి, డైరెక్టర్లు పోగు సుమన్, తిరుపతి గౌడ్, గ్రామస్తులు పాల్గొన్నారు.