7న ఎస్సై ప్రిలిమ్స్‌..

7న ఎస్సై ప్రిలిమ్స్‌..
రేపటి నుంచి ఆన్‌లైన్‌లో హాల్‌టికెట్లు
స్పాట్ వాయిస్ , హైదరాబాద్: ఎస్సై ప్రిలిమ్స్‌ పరీక్షను ఆగస్టు 7న నిర్వహించేందుకు ఏర్పాట్లు చేస్తున్నారు. ఈ మేరకు హాల్‌టికెట్లు శనివారం ఉదయం 8 గంటల నుంచి ఆన్‌లైన్‌లో అందుబాటులో ఉంచనున్నట్లు పోలీస్‌ రిక్రూట్‌మెంట్‌ బోర్డ్‌ ప్రకటించింది. పరీక్ష దరఖాస్తు చేసుకున్న అభ్యర్థులు ఆగస్టు 5వ తేదీ రాత్రి 12 గంటల వరకు హాల్‌టికెట్లు డౌన్‌లోడ్‌ చేసుకోవచ్చని తెలిపింది.అడ్మిట్‌ కార్డులను అధికారిక వెబ్‌సైట్‌ www.tslprb.in నుంచి డౌన్‌లోడ్‌ చేసుకోవచ్చని సూచించింది. ఏదైనా సమస్య ఉంటే support@tslprb.inకు ఈ-మెయిల్‌ చేయవచ్చని లేదా.., 93937 11110, 939100 5006 నంబర్లలో సంప్రదించవచ్చని అధికారులు పేర్కొన్నారు.. హైదరాబాద్‌ సహా రాష్ట్రంలో 35 పట్టణాల్లో 503 పరీక్షా కేంద్రాలను ఏర్పాటు చేశారు. పరీక్షను ఆగస్టు 7న ఉదయం 10 గంటల నుంచి మధ్యాహ్నం ఒంటి గంట వరకు నిర్వహించనున్నారు.