పోలీసుల అదుపులో లేడీ గ్యాంగ్

శివారు ప్రాంతాల్లో అడ్డా..
యువకులే వీరి టార్గెట్..
స్పాట్ వాయిస్, వర్ధన్నపేట: వరంగల్-ఖమ్మం జాతీయ రహదారిపై వచ్చి పోయే వాహనాలను ఆపుతూ నానా హంగామా చేస్తున్న ఏడుగురు గుజరాతి అమ్మాయిల ముఠాను మంగళవారం పోలీసులు అదుపులోకి తీసుకున్నారు. వీరు వరంగల్ నగరంతో పాటు శివారు ప్రాంతాల్లో అడ్డాలు వేసి జనాల నుంచి డబ్బులు వసూలు చేస్తున్నారు. సోమవారం హన్మకొండ వడ్డేపల్లి చెరువు దగ్గర ఇలాగే చేయడంతో పోలీసులు వారిని పట్టుకుని కౌన్సెలింగ్ ఇచ్చి పంపిచేశారు. మంగళవారం సైతం.. వరంగల్ జిల్లా వర్ధన్నపేట మండలం ఇల్లంద గ్రామం శివారులో వాహనదారులను ఆపి డబ్బులు డిమాండ్ చేస్తున్నారు. కనపడిన యువకులనే టార్గెట్‌గా చేసుకుని న్యూసెన్స్ చేసి డబ్బులు వసూలు చేస్తున్నారు. ఈక్రమంలో ఓ ప్రయాణికుడి ఫోన్ కాల్ తో స్పందించిన పోలీసులు యువతులను అదుపులోకి తీసుకొని స్టేషన్ కు తరలించారు. వీరు గుజరాత్‌కు చెందిన అమ్మాయిలుగా ప్రాథమికంగా గుర్తించినట్లు సీఐ సదన్ కుమార్ తెలిపారు.