31న కుడా చైర్మన్ కు ఆత్మీయ సన్మాన సభ

31న కుడా చైర్మన్ కు ఆత్మీయ సన్మాన సభ
స్పాట్ వాయిస్, వరంగల్ :యాదవ మహాసభ ఉమ్మడి వరంగల్ జిల్లా ఆధ్వర్యంలో కుడా చైర్మన్ సంగంరెడ్డి సుందర్ రాజ్ యాదవ్ కు ఆత్మీయ సన్మాన సభ ఏర్పాటు చేసినట్లు ఉమ్మడి జిల్లా నాయకుడు దాడి మల్లయ్య యాదవ్ తెలిపారు. ఆదివారం దామెర మండల కేంద్రంలో బత్తిని రాజు యాదవ్ అధ్యక్షతన జరిగిన సమావేశంలో మల్లయ్య యాదవ్ హాజరై మాట్లాడారు. ఈ నెల 31న ఉదయం 11 గంటలకు ఎర్రగట్టు గుట్ట సమీపంలోని కేఎల్ ఎన్ ఫంక్షన్ హాల్ లో నిర్వహించనున్న
సన్మాన సభకు ఉమ్మడి జిల్లా నుండి యాదవులు వచ్చి జయప్రదం చేయాలని కోరారు. ఉమ్మడి వరంగల్ జిల్లాలో మొట్ట మొదటిసారిగా ఉన్నత పదవులు పొందిన యాదవ ముద్దుబిడ్డ సుందర్ రాజ్ యాదవ్ అని, భవిష్యత్తులో మరిన్ని సేవలు అందించాలని ఆకాంక్షించారు.సమావేశంలో కన్నెబొయిన రమేష్ యాదవ్, బత్తిని రాజు యాదవ్, దాడి రమేష్ యాదవ్, వంగ రవి యాదవ్, మిరియాల రవి యాదవ్, కిరణ్ యాదవ్, మంతుర్తి కృష్ణ యాదవ్, మెరుగు సంపత్ యాదవ్, బత్తిని పెద్ద రాజు యాదవ్, మెరుగు శివ యాదవ్, గజ్జి రాజు యాదవ్, మంతుర్తి రాకేష్ యాదవ్, అర్తo రమేష్ యాదవ్, ఎల్లబోయిన రాజు యాదవ్, రవి కుమార్ యాదవ్ తదితరులు పాల్గొన్నారు.