యువతకు స్ఫూర్తి మంత్రి కేటీఆర్

యువతకు స్ఫూర్తి మంత్రి కేటీఆర్
ఎమ్మెల్యే చల్లా ధర్మారెడ్డి
స్పాట్ వాయిస్, దామెర: యువతకు మంత్రి కేటీఆర్ స్ఫూర్తి అని ఎమ్మెల్యే చల్లా ధర్మారెడ్డి అన్నారు. ఆదివారం పరకాల నియోజకవర్గంలోని గీసుగొండ మండలం ఊకల్ గ్రామ శివారులోని ఎస్.ఎస్. గార్డెన్ లో కేటీఆర్ జన్మదినం సందర్భంగా ఇండియన్ రెడ్ క్రాస్ చైర్మన్ నిమ్మగడ్డ వెంకటేశ్వర్లు ఆధ్వర్యంలో రక్త దాన శిబిరం నిర్వహించారు. ఈ కార్యక్రమానికి ముఖ్య అతిథిగా ఎమ్మెల్యే చల్లా ధర్మారెడ్డి హాజరై కేక్ కట్ చేసి శుభాకాంక్షలు తెలిపారు. ఈ సందర్భంగా ఎమ్మెల్యే చల్లా మాట్లాడుతూ… తెలంగాణ రాష్ట్రంలో యువతను ప్రోత్సహిస్తున్న యువనాయకుడు మంత్రి కేటీఆర్ అని , తెలంగాణ రాష్ట్రంలో ఐటీ రంగం అభివృద్ధి చెందుతున్నదని అన్నారు. యువనాయకుడు కేటీఆర్ జన్మదినం సందర్భంగా యువత గిఫ్ట్ ఏ స్మైల్ కార్యక్రమంలో భాగంగా రక్త దాన శిబిరం ఏర్పాటు చేశారన్నారు. రక్త దానం చేసిన ప్రతి ఒక్కరికీ ఎమ్మెల్యే చల్లా ధర్మారెడ్డి కృతజ్ఞతలు తెలిపారు. ఈ కార్యక్రమంలో వరంగల్ ఇండియన్ రెడ్ క్రాస్ చైర్మన్ నిమ్మగడ్డ వెంకటేశ్వర్లు, గీసుగొండ,సంగెం మండలాల ప్రజాప్రతినిధులు, నాయకులు , కార్యకర్తలు తదితరులు పాల్గొన్నారు…