ముత్యాలమ్మ బోనాల వైభవం..

వల్లెంకుంట లో వెల్లివిరిసిన ఆధ్యాత్మికత

ప్రత్యేక పూజలు చేసిన పెద్దపల్లి, భూపాలపల్లి జిల్లాల జెడ్పీ చైర్మన్ల

స్పాట్ వాయిస్ , మల్హర్: మండలంలోని వల్లెంకుంట గ్రామంలో ఆషాఢ మాసం సందర్భంగా ఆదివారం ముత్యాలమ్మ బోనాలు ఆలయ పూజారి గడ్డం సతీష్ భవాని ఆధ్వర్యంలో ఘనంగా నిర్వహించారు. ఈ కార్యక్రమానికి ముఖ్య అతిథులుగా పెద్దపల్లి జెడ్పీ చైర్మన్ పుట్ట మధు,భూపాల పల్లి జెడ్పీ చైర్ పర్సన్ జక్కు శ్రీహర్షిణి రాకేష్ హాజరై ప్రత్యేక పూజలు నిర్వహించారు. వీరికి ఆలయ పూజారులు, గ్రామస్తులు ఘన స్వాగతం పలికారు. భూపాల పల్లి జెడ్పీ చైర్మన్ శ్రీహరిని రాకేష్ దంపతులు అమ్మ వారికి బోనం, ఓడి బియ్యం సమర్పించారు.అమ్మ వారి చల్లని చూపు ప్రజలపై ఉండాలని అమ్మ వారిని వేడుకున్నట్టు జెడ్పీ చైర్మన్ లు పుట్ట మధు, శ్రీ హరిని రాకేష్ తెలిపారు. ఈ కార్యక్రమంలో టీఆర్ఎస్ మండల అధ్యక్షుడు కుంభం రాఘవ రెడ్డి, మంథని మండల అధ్యక్షుడు ఎగొలపు శంకర్ గౌడ్ ,భూపెల్లి రాజు,ఎడ్ల సమ్మయ్య,మాజీ సర్పంచ్ బాద్రపు సమ్మయ్య,ఎడ్ల అరుణ్,సంతోష్ శ్రీనివాస్, ఉప సర్పంచ్ వేముల శ్రీశైలం, బండం సత్తయ్య, మారుపాక వినయ్,అక్కినవేన సుమన్,జక్కుల రమేష్,వేల్పుల పోచయ్య,లచ్చయ్య, గ్రామ ప్రజలు పాల్గొన్నారు.