నేడు లాసెట్.. రేపు పీజీఎల్ సెట్

స్పాట్ వాయిస్, ఎడ్యుకేషన్: రాష్ట్రంలో ఎల్ఎల్​బీ, ఎల్ఎల్ఎం ప్రవేశాల కోసం గురు,శుక్రవారాల్లో లాసెట్, పీజీఎల్ సెట్ జరగనున్నాయి. గురువారం రెండు సెషన్లలో మూడేళ్ల ఎల్ఎల్​బీ కోసం లాసెట్.. పరీక్ష నిర్వహించనున్నారు. శుక్రవారం ఉదయం ఐదేళ్ల ఎల్ఎల్​బీ కోసం లాసెట్, ఎల్ఎల్ఎం కోసం పీజీఎల్ సెట్ పరీక్షలు నిర్వహించనున్నారు. ఉదయం పదిన్నర నుంచి మధ్యాహ్నం 12 గంటల వరకు.. మధ్యాహ్నం సెషన్ రెండున్నర నుంచి నాలుగు గంటల వరకు పరీక్షలు ఉంటాయని కన్వీనర్ తెలిపారు. తెలంగాణలో 38, ఏపీలో 4 పరీక్ష కేంద్రాలు.. పీజీఎల్ సెట్ కోసం రాష్ట్రంలో 32, ఏపీలో 4 కేంద్రాలను సిద్ధం చేశారు. మూడేళ్ల ఎల్ఎల్​బీ కోసం 24,938 మంది.. ఐదేళ్ల ఎల్ఎల్​బీకి 7507, ఎల్ఎల్ఎంకు 3093 మంది దరఖాస్తులు చేసుకున్నారు. ఒక నిమిషం ఆలస్యమైనా పరీక్షకు అనుమతి ఉండదని కన్వీనర్ స్పష్టం చేశారు.