ఎమ్మెల్యే సీతక్కకు తప్పిన ప్రమాదం  

స్పాట్ వాయిస్, ములుగు: ఎమ్మెల్యే సీతక్కకు పెను ప్రమాదం తప్పింది. ఏటూరునాగారం మండలంలోని ముంపు ప్రాంతాల్లోని ప్రజలకు శనివారం నిత్యావసర సరుకులు పంపిణీ చేసేందుకు వెళ్లారు. తిరుగుప్రయాణంలో ఎలిశెట్టిపెల్లి వాగులో బోటుపై వస్తుండగా.. ఇంధనం అయిపోయింది. దీంతో అందరూ ఆందోళనకు గురయ్యారు. వాగు ఉధృతంగా ప్రవహిస్తుండగా పడవ కొట్టుకొచ్చి చెట్టును గుద్దుకుని ఆగిపోయింది. దీంతో సీతక్కతో పాటు పడవలో ఉన్న వారంతా క్షేమంగా ఒడ్డుకు చేరారు. ఎవరికి ఏమీ కాకపోవడంతో అందరు ఊపిరి పీల్చుకున్నారు.