నేటి నుంచి బూస్టర్ డోస్..

స్పాట్ వాయిస్, హైదరాబాద్:   రాష్ట్రంలో శుక్రవారం నుంచి కొవిడ్​ బూస్టర్​ డోస్ అందుబాటులోకి రానుంది.​ ప్రభుత్వ దవాఖానాల్లో 18 ఏళ్లు పైబడిన వారికి ఉచితంగా కొవిడ్ బూస్టర్ డోసు ఇవ్వనున్నట్టు ప్రభుత్వం ప్రకటించింది. బూస్టర్ డోస్​కి సంబంధించి అనుమతి ఇవ్వాలని కోరుతూ ఇప్పటికే కేంద్రానికి మంత్రి హరీశ్​ రావు మూడు సార్లు లేఖ రాయగా.. ఎట్టకేలకు ప్రభుత్వ చొరవ ఫలించినట్టు ఆరోగ్య శాఖ ప్రకటించింది. 18 ఏళ్లుపై బడి అర్హులైన ప్రతి ఒక్కరికి బూస్టర్ డోస్ ఇచ్చేందుకు కేంద్రం అనుమతి ఇవ్వడంపై మంత్రి హరీశ్​రావు హర్షం వ్యక్తం చేశారు. రెండో డోసు తీసుకుని 6 నెలలు పూర్తయిన వారికి ప్రభుత్వ ద‌వాఖానాల్లో ఉచితంగా బూస్టర్ డోస్ ఇచ్చేందుకు రాష్ట్ర ప్రభుత్వం అన్ని ఏర్పాట్లు చేసింది. 75 రోజుల పాటు జ‌రిగే ఈ వ్యాక్సినేష‌న్ కార్యక్రమంలో భాగంగా అర్హులైన వారంద‌రికి బూస్టర్ డోస్ ఇచ్చేలా.. ప్రభుత్వం చ‌ర్యలు తీసుకుంటుంది