35 లీటర్ల గుడుంబా పట్టివేత

35 లీటర్ల గుడుంబా పట్టివేత..
వివరాలు వెల్లడించిన ఎస్సై అభినవ్…
స్పాట్ వాయిస్ , గణపురం: పోలీసుల సాధారణ తనిఖీల్లో 35 లీటర్ల గుడుంబా స్వాధీనం చేసుకున్నారు. గణపురం ఎస్సై అభినవ్ తెలిపిన వివరాల ప్రకారం.. గురువారం సాధారణ తనిఖీలు చేపట్టగా.. భూపాలపల్లి మున్సిపాలిటీ పరిధిలోని పెద్దకుంట పల్లి తండాకు చెందిన ఆంగోత్ సమ్ములాల్ 35 లీటర్ల గుడుంబా తరలిస్తూ పట్టుబడ్డాడు. వెంటనే అతడిని అదుపులోకి తీసుకుని కేసు నమోదు చేసినట్లు ఎస్సై అభినవ్ చెప్పారు. ఈ సందర్భంగా ఆయన మాట్లాడుతూ.. గుడుంబా తయారు చేసిన, విక్రయించినా కఠిన చర్యలు తీసుకుంటామన్నారు. గ్రామాల్లో ఎవరైనా అసాంఘిక కార్యకలాపాలకు పాల్పడితే వెంటనే పోలీసులకు సమాచారం ఇవ్వాలన్నారు.