ఎస్సై, కానిస్టేబుల్ రాత పరీక్ష తేదీల ఖరారు

స్పాట్ వాయిస్, ఎడ్యుకేషన్: ఎస్సై, కానిస్టేబుల్‌ ప్రిమిలినరీ పరీక్షలు నిర్వహించే తేదీలను బోర్డు ప్రకటించింది. ఆగస్ట్‌ 7న ఉదయం 10 గంటల నుంచి మధ్యాహ్నం ఒంటి గంట వరకు ఎస్సై ప్రిలిమినరీ పరీక్ష నిర్వహించనున్నట్లు తెలంగాణ స్టేట్ లెవెల్ పోలీస్ రిక్రూట్‌మెంట్ బోర్డ్ సోమవారం వెల్లడించింది. ఆగస్ట్‌ 21వ తేదీన ఉదయం 10 గంటల నుంచి మధ్యాహ్నం ఒంటి గంట వరకు కానిస్టేబుల్‌ పరీక్ష నిర్వహించనున్నట్లు తెలిపింది. ప్రభుత్వం 80,039 పోస్టుల్ని భర్తీ చేస్తామని ప్రకటించిన సంగతి తెలిసిందే. ఇందులో 17,291 పోస్టుల భర్తీకి తెలంగాణ స్టేట్ లెవెల్ పోలీస్ రిక్రూట్‌మెంట్ బోర్డ్ ఏప్రిల్‌ 28న నోటిఫికేషన్ జారీ చేసింది. ఆయా నోటిఫికేషన్ల ద్వారా మొత్తం 17,291 పోస్టుల్ని భర్తీ చేయనున్నది. ఇందులో 554 ఎస్సై పోస్టులు, 15,644 కానిస్టేబుల్‌ పోస్టులు, 614 ప్రొహిబిషన్‌, ఎక్సైజ్‌ కానిస్టేబుల్‌ పోస్టులను భర్తీ చేయనున్నారు.