కులం పేరుతో దూషించిన ఆరుగురు

కులం పేరుతో దూషించిన ఆరుగురు
ఎస్సీ, ఎస్టీ కేసు నమోదు చేసిన పోలీసులు..

స్పాట్ వాయిస్, మల్హర్: మహిళను కులం పేరుతో దూషించిన కేసులో ఆరుగురిపై శుక్రవారం ఎస్సీ , ఎస్టీ అట్రాసిటీ కేసు నమోదు చేసినట్టు కొయ్యూరు ఎస్సై తనుగుల సత్యనారాయణ తెలిపారు. వివరాల్లో కి వెళితే మల్హర్ మండలం కొయ్యుర్ గ్రామానికి చెందిన ధరావత్ జ్యోతి 10 సంవత్సరాల క్రితం సంతోషం రాజిరెడ్డి అనే వ్యక్తిని ప్రేమ వివాహం చేసుకున్నారు . వీరి వివాహాన్ని సంతోషం రాజిరెడ్డి కుటుంబ సభ్యులు అంగీకరించక పోవడంతో వీరిద్దరు విడిగా కొయ్యూర్ లో భర్త రాజిరెడ్డి ఆటో డ్రైవర్ గా , ఫిర్యాదు దారు జ్యోతి కాంట్రాక్ట్ టీచర్ గా పని చేస్తూ జీవనం సాగిస్తున్నారు. ఈ క్రమంలో గత నెల 14 వ తేదీ రోజున జ్యోతి వారి అత్తమ్మ అంత్యక్రియలకు హాజరు కాగా తన భర్త రాజిరెడ్డి కుటుంబ సభ్యులు సంతోషం సమ్మిరెడ్డి , సంతోషం తిరుపతి , సూరం రవి , తోటపెల్లి మహేందర్, తోటపల్లి వెంకటమ్మ , అయ్యాల సత్తమ్మ కలిసి ధరావత్ జ్యోతిని కులం పేరుతో తిట్టి.. కొట్టారని , తనకు ప్రాణ భయం ఉందని వెంటనే చట్టపరమైన చర్యలు తీసుకోవాలని జ్యోతి కొయ్యూరు పోలీసులకు ఫిర్యాదు చేసింది. బాధితురాలిని కులం పేరుతో దూషించిన ఆరుగురిపై ఎస్సీ , ఎస్టీ అట్రాసిటీ కేసు నమోదు చేసినట్టు ఎస్సై తెలిపారు.