ఐపాయే..

కూలిన మహారాష్ట్ర సర్కారు
సీఎం పదవికి రాజీనామా చేసిన ఠాక్రే
స్పాట్ వాయిస్, డెస్క్: మహారాష్ట్ర ముఖ్యమంత్రి ఉద్ధవ్​ ఠాక్రే.. తన పదవికి రాజీనామా చేశారు. మహారాష్ట్ర అసెంబ్లీలో గురువారం బలపరీక్ష జరగాల్సిందేనని సుప్రీం కోర్టు తీర్పు వెలువరించిన క్షణాల్లోనే తన రాజీనామా ప్రకటించారు. ఫేస్​బుక్​ లైవ్​లో మాట్లాడిన ఉద్ధవ్​.. తన నిర్ణయాన్ని వెలువరించారు. ఎమ్మెల్సీ పదవికి సైతం రాజీనామా చేస్తున్నట్లు స్పష్టం చేశారు. ఈ సందర్భంగా.. కాంగ్రెస్​ అధినేత్రి సోనియా గాంధీ, ఎన్​సీపీ చీఫ్​ శరద్​ పవార్​కు కృతజ్ఞతలు తెలిపారు.శివసేన రెండు వర్గాలుగా చీలిపోవడంతో ఉద్ధవ్​ ప్రభుత్వం మైనార్టీలో పడింది. ఏక్‌నాథ్‌ శిందే వైపు మెజార్టీ సభ్యులు ఉండడంతో ఉద్ధవ్‌ రాజీనామా చేయాల్సి వచ్చింది. సీఎం పదవికి ఠాక్రే రాజీనామాతో బీజేపీ శ్రేణులు సంబురాలు చేసుకుంటున్నాయి