వర్ధన్నపేటలో పూర్వ విద్యార్థుల సమ్మేళనం

పూర్వ విద్యార్థుల ఆత్మీయ సమ్మేళనం
స్పాట్ వాయిస్, వర్ధన్నపేట : వరంగల్ జిల్లా వర్ధన్నపేట ప్రభుత్వ పాఠశాలలో 1986 నుంచి 1991 వరకు విద్యనభ్యసించిన విద్యార్థులు ఆదివారం పాఠశాల ఆవరణలో ఆత్మీయ సమ్మేళనాన్ని నిర్వహించారు. కార్యక్రమానికి ముఖ్యఅతిథిగా సహచర పూర్వ విద్యార్థి, వర్ధన్నపేట మున్సిపల్ చైర్ పర్సన్ ఆంగోత్ అరుణతో పాటు ఉపాధ్యాయులు, పుర ప్రముఖులు హాజరయ్యారు. ఈసందర్భంగా వారిని పూర్వ విద్యార్థులు ఘనంగా సత్కరించారు. తమ చిన్ననాటి జ్ఞాపకాలను గుర్తు చేసుకొని సంతోషంగా గడిపారు. తమవంతుగా పాఠశాల అభివృద్ధికి కృషి చేస్తామని వారు ఈ సందర్భంగా పేర్కొన్నారు. కార్యక్రమంలో పూర్వ విద్యార్థులు మైస రాము, రవి, ఎండీ అప్సర్, నిరంజన్, భిక్షపతి, రాజ్ కుమార్, అనిల్ తదితరులు పాల్గొన్నారు.