ఘనంగా భగీరథ మహర్షి జయంతి

ఘనంగా భగీరథ మహర్షి జయంతి
భూపాలపల్లి కలెక్టరేట్ లో నివాళి అర్పించిన అధికారులు, నాయకులు
స్పాట్ వాయిస్, భూపాలపల్లి టౌన్ : జయశంకర్ భూపాలపల్లి జిల్లా కేంద్రంలోని కలెక్టర్ కార్యాలయంలో ఆదివారం భగీరథ మహర్షి జయంతి ఉత్సవాలను ఘనంగా నిర్వహించారు. ఈ సందర్భంగా జిల్లా బీసి సంక్షేమ శాఖ అధికారిణి టి. శైలజ జ్యోతి ప్రజ్వలన చేశారు. భగీరథ మహర్షి చిత్రపటానికి పూలమాల వేసి నివాళి అర్పించారు. కార్యక్రమాన్ని ఉద్ధేశించి భూపాలపల్లి జిల్లా సగర, ఉప్పర సంఘం జిల్లా గౌరవ అధ్యక్షుడు అసం స్వామి మాట్లాడుతూ భగీరథుడు మహా జ్ఞాని, పరోపకారికి పెట్టింది పేరని, సహనానికి ప్రతిరూపమని కొనియాడారు. ఎంత కష్టాన్నయినా లెక్కచేయకుండా అనుకున్నది సాధించే వారిని భగీరథునితో పోలుస్తారని, ఎవరయినా కఠోర శ్రమతో దేన్నయినా సాధించవచ్చన్నారు. కార్యక్రమంలో సగర సంఘం జిల్లా అధ్యక్షుడు ఎంజాల రమేష్, కోడిపాక మల్లేశం, పట్టణ అధ్యక్షుడు కనిగంటి రవి, జిల్లా యూత్ నాయకులు అసం సురేష్, దేవునూరి చంద్రమొగిలి, ఎంజాల రాములు, గుంటి మల్లేష్, దేవునూరి వీరస్వామి, గుంటి అశోక్ తదితరులు పాల్గొన్నారు.