చేపల వేటకి వెళ్లి యువకుడు గల్లంతు

ప్రత్యేక బృందాలతో గాలిస్తున్న పోలీసులు
స్పాట్ వాయిస్, మల్హర్ : చేపల వేటకు వెళ్లి యువకుడు గల్లంతైన సంఘటన మండలంలో ఆదివారం చోటుచేసుకుంది. స్థానికుల కథనం ప్రకారం వివరాలిలా ఉన్నియ. భూపాలపల్లి జిల్లా గడ్డిగానిపల్లి గ్రామానికి చెందిన సెగ్గెం రాజబాబు(25) ఆదివారం ఉదయం మండల పరిధి మానేరు నదిలోని మల్లారం చెక్ డ్యాం వద్ద చేపల వేటకు వెళ్లాడు. ఈ క్రమంలో రాజబాబు మానేరు వరద ఉధృతికి కొట్టుకుపోయాడు. గోపాలపురానికి చెందిన యువకుడి అన్నయ్య దుర్గం సడువలి ఫిర్యాదు మేరకు మిస్సింగ్ కేసు నమోదు చేసి దర్యాప్తు చేస్తున్నట్లు కొయ్యూరు పోలీసులు తెలిపారు. కాగా, మానేరు నదిలో గల్లంతైన యువకుడి కోసం కాళేశ్వరం నుంచి వచ్చిన ప్రత్యేక బృందాలతో గాలిస్తున్నట్లు పోలీసులు తెలిపారు.